</head> <body>

Etiope bat Martitzen

Martetar bat Adis Abeban ere izan naiteke.



Friday, January 27, 2006

Etxe-aldatzea


Azken urte hauetan pisuz pisu ibili naiz, nire txokoaren bila, maletak gora, maletak behera.

Blogari moduan ere antzeko-parecido: urte eta erdi daramat saltsa honetan eta jada nire bigarren etxe hau abandonatzera noa hirugarren bat zabaltzeko.

Berdin da etxe-aldatzea zelako arduraz egiten duzun: bizi izan zaren leku horretan beti utziko duzu zerbait ahaztuta: ardi forma zuten etxeko zapatila batzuk abandonatu nituen behin pisu batean (pena handiz), Así habló Zaratustra liburukotea beste batean (irakurri gabe, gainera), top-mantako ez dakit zenbat disko azkeneko batean (egile-eskubideenganako errespetu bolada batean).

Martitzen ere horrela izango da, hainbat gauza geldituko dira hemendik sakabanatuta, guztia ez zait maletan kabituko eta.

Egun batzuk behar ditut etxe-aldatzea taxuz burutzeko, nire egoitza berria behar bezala txukuntzeko, baina egon lasai: laster izango duzue nire helbide berriaren… berri.



2 Comments:

Blogger iturri said...

Aupa Katixe:

Zure etxe berria ezagutzeko irrikitan geratu naiz.

Autodeterminatuko zara?

Ummm...

1/27/2006 05:44:00 pm  

Blogger Patxi said...

Ba nik nere bloga jokatuko nuke, badakidala nora jungo zeran...

Zorionekoa zu. Diseinu zoragarri bat egingo dizute, esklusiboa, zure zurea...

Ea ba! Zain eta irrikaz gaude.

1/27/2006 11:13:00 pm  

Post a Comment

<< Home

[Top]



ppc marketing
ppc marketing Counter